കോട്ടക്കൽ നഗരസഭ NMMS മാതൃകാ പരീക്ഷയും പരിശീലനവും നടത്തി.
കോട്ടക്കൽ മുനിസിപ്പാലിറ്റിയുടെ     2024 വിദ്യാഭ്യാസ ശാക്തീകരണ പ്രോഗ്രാമായ ലേൺ  വെൽ ഹബ് പദ്ധതിയുടെ ഭാഗമായി കോട്ടക്കൽ നഗരസഭയിലെ കോട്ടൂരി എ കെ എം ഹയർസെക്കൻഡറി സ്കൂളിൽ വച്ച് NMMS മോഡൽ പരീക്ഷ നടത്തി. ലിങ്ക് വഴി ഒൺലൈനിലൂടെയാണ് മത്സരാർത്ഥികൾക്ക് വേണ്ടി രജിസ്ട്രേഷൻ നടത്തിയത്. 812 പേരാണ് ഓൺലൈനിലൂടെ NMMS സ്കോളർഷിപ്പ് പരീക്ഷക്ക് രജിസ്റ്റർ ചെയ്തത്. കോട്ടക്കൽ നഗരസഭയിലെ പരിധിയിൽ പെട്ട വിദ്യാർത്ഥികളും കോഴിക്കോട്, പാലക്കാട് , തൃശൂർ ജില്ലകളിൽ നിന്നുള്ള വിദ്യാർത്ഥികളുംരജിസ്റ്റർ ചെയ്തു പരീക്ഷ  എഴുതി.കോട്ടൂർ AKMHSS  ലും ചാപ്പനങ്ങാടി ഹയർ സെക്കണ്ടറി സ്കൂളിലുമായാണ് ഇന്ന് പരീക്ഷ നടത്തിയത്. മത്സരാർത്ഥികളുടെ രക്ഷിതാക്കൾക്ക് വേണ്ടി ഗൈഡൻസ് ക്ലാസ്സും കോട്ടൂർ AKMHS ൽ വെച്ച് നടത്തി.കോട്ടക്കൽ നഗരസഭയുടെ ഡെപ്യൂട്ടി ചെയർമാൻ മുഹമ്മദ് അലി ചെരട അധ്യക്ഷത വഹിച്ച പരിപാടി ചെയർപേഴ്സൺ Dr. ഹനീഷ ഉദ്ഘാടനം ചെയ്തു.വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ടീച്ചർ സ്വാഗതം പറഞ്ഞു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ആലമ്പാട്ടിൽ റസാഖ്, കൗൺസിലർമാരായ സഫീറ അസ്‌ലം, ശബ്ന ഷാഹുൽ, എ കെ എം ഹയർസെക്കൻഡറി സ്കൂളിലെ പ്രിൻസിപ്പാൾ അലി മാസ്റ്റർ ,ഹെഡ്മിസ്ട്രസ് സൈഫുന്നീസ ടീച്ചർ എന്നിവർ ആശംസകൾ അർപ്പിച്ചു. ഇൻ്റർ നാഷണൽ ട്രൈനർ മാത് സ് ഗുരു സലിം ഫൈസൽ മാസ്റ്റർ വിവിധ മത്സര പരീക്ഷകളെക്കുറിച്ച് കുട്ടികളെ ബോധവാൻമാരാക്കുന്നതിനും മോട്ടിവേറ്റ് ചെയ്യുന്നതിനുമായി  രക്ഷിതാക്കൾക്ക് ഗൈഡൻസ് ക്ലാസ്സ് എടുത്തു. അറുന്നൂറോളം വിദ്യാർത്ഥികൾ 2 കേന്ദ്രങ്ങളിലായി NMMS മോഡൽ പരീക്ഷയിൽ പങ്കെടുത്തു.